[Tlhingan-hol] nuq bop bom: 'ay' HutmaH: <Qoybe'>

[Qov]

Silence has fallen after the first officer's Heghbat ceremony.

89
jatlhbe'taH Hoch. HIq Suq HoD. nov HIq Huj 'oH. lujonta'mo' Segh 
luSovbe'. HIvje'mey teb 'ej latlhpu'vaD nob. tlhutlh 'ej jatlhbe'taH 
'ej bejchuqbe'taH. choQDaq QottaH 'ungya lom. pagh legh mInDu'Daj poS 
'ej chuq'a''e' leghlaHbe'bogh nochchaj lubejlaw' yIntaHbogh tlhIngan 
mInDu'. Duj QonoSDaq wanI' qon HoD 'ej beq tamey lIS. jatlhpu' HoD 
'utlh <qaSchugh, QonoSDaq yIqon. Dupumchugh vay' DuQan QonoSlIj>. 
chImchoHDI' ngaSwI' latlhmey Suq HoD. HoSghaj HIq. tlhutlhtaH. 
jeghrupDI' jav chejDu' jatlh HoD. "may' law'."

lubejchoHDI' latlhpu' jatlhqa' vajar, "jIyIntaHmeH pIj vang."

qech quvmoHmeH yev, ghIq jatlh ghutar, "mutoD je." ghopDu'Daj rIQ 
nuD. 'IQchoHlaw'.

vup'egh vay' neHbe' vajar. mermeH jatlh,"ghutaaaaaaaaar!" ruq nI' 
lIng jatlhtaHvIS.

ruqtaHvIS HoD Da ghutar, "vajaaaaaaaaar!" Haghqu' ghutar vajar je.

jatlh HoD "Hota'ro', yIruq." nID Hota'ro' ach tuSqu'choH. 'Iw tuy'. 
Hagh HoD. jatlh "jaS bIruq. qatlh reH jaS bIvang, DeghwI'wI'?"

HoD bejmeH tlhe'eghchoH Hota'ro'. chechchu'mo' SomrawDaj 
SeHlaHchu'be' 'ej jIjbe'taH mInDu'Daj. pe'vIl HoD qIvDaq ghop lan 'ej 
jatlh "Duj vItoy'meH jIvang. chonuQchugh Sa'HutlIjDaq yIghoD."

Haghqu' HoD. Hota'ro' qIp 'e' ghetmeH vIHmo' quSDajvo' pum. 
Hu'choHDI' pumqa'mo' ravDaq ba'taH. jatlh "peqIm! peqIm!" ghop 
joqmoH. tamchoH Hota'ro' ghutar je. HIq tlhutlhqa' HoD. HIvje' roQ. 
bejqu' latlhpu' 'e' tu'DI' jatlh "nuq?"

"bIjatlhrup'a', HoD?" jatlh Hota'ro'.

jatlh HoD, "ghobe', Sogh. jIchechqu' neH." Haghqa'.

"HoD," jatlh "Hota'ro', "lagh jIHneH. ghIrel yIvbeH vItuQtaH. Sogh 
DeghDaj Dalegh." HIqDaj tlhutlhqa'.

jangchoH HoD 'ach ghum SeHlaw. Hotlhqa' DujHey. SeHlaw'Daq vIH 
Hota'ro' ghop 'ach mI'be' nItlhDu'Daj. Soy'qu'. "va!" jatlh. 
"jIchechqu'mo' botjan vIchu'laHbe'."

"yIqImHa'. ngebqa'ba'," jatlh HoD.

vay' ghum SeHlaw. "Duj tu'law'," jatlh Hota'ro'.

"qaboQ," jatlh ghutar 'ej cholmeH QamchoHDI' bong vajar qIv pup 'ej 
pum. SeHlaw ruQ 'e' nIDqa' Hota'ro' ghIq chechchu'mo' 'oHDaq vulchoH.

"Qu'vatlh!" jatlh ghutar, Hu' 'ej SeHlawvo' Hota'ro' yuv. pay' "jol! 
yIbachrup!" jatlh. jol Qoybe' HoD. wewchoH muD 'ej pay' ghaH retlhDaq 
QamtaH vay' 'ej vajar nachDaq vay' Qach. vulchoH.
---
SKI: Even Klingon livers have their limits.
---
No footnotes today, but here's a link.
[<http://vostokspacebeer.com/>http://vostokspacebeer.com/ ]

'ay''a' vagh originally contained a few more 'ay'mey, but as I put 
subsequent 'ay''a'mey together (I've just started chorgh) it became 
necessary to cut it here. So we leave vajar and what's left of his 
crew right where they are for a couple of weeks of 'ay''a' jav, which 
may themselves be interrupted jIghIQtaHvIS. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111121/b360db0e/attachment.html>