[Tlhingan-hol] nuq bop bom: 'ay' chorghmaH chorgh: <QaQ betleH>

[Qov]

Hard to summarize the last episode. Maybe "vajar was being paranoid."
---
88

"choboQqangbe'choHchugh ghaH vItlhob, vajar," jatlh yaS wa'DIch. 
vIHDI' loQ jach.

jangbe' vajar.

"jIHoH'eghmeH nISwI' vIlo' 'e' vIqel jay'! chojoy'taH! vISIQlaHbe'! 
jIHeghba'lI'. QongDaqDaq jIHegh vIneHbe'!" jatlh 'ungya, ghIq 
jachqa'. quvHa''egh SuvwI' 'e' bej neHbe'mo' vajar, DoH. nogh yaS 
wa'DIch 'ej QongDaq lItHa'. ravDaq pum 'ach ravDaq ghoStaH. vIHDI' 
jach. DoHtaHmo' vajar meH 'el. meH 'el je yaS wa'DIch. ravDaq QottaH 
'ej bep'a'mo' jachqu'. DoHqu'mo' vajar yItHa' 'ej Sa'HutDajDaq pum.

beymey QoylaHmo' ngugh meH 'el Hota'ro' nISwI' yantaHvIS. jach HoD 
"naDevvo' yIghoS!" jatlh. "peghoS!" jachtaH neH yaS wa'DIch. HeD 
Hota'ro' ghutar je.

meHDaq 'ungya legh HoD. qIj 'ej wov DIrDaj. DISmey rur mInDu'Daj. 
porgh naQ ngej rop. yItbogh lom rur, 'ach yItlaHbe'. muS'eghchoH 
vajar. yaj'eghlaHbe'. SeH'eghlaHbe'pa' maqoch qatlh boQbe'pu'? 'ungya 
retlhDaq torchoH 'ej maqochDaj ghop Hot. mer porgh Hat. jatlh 
"jupwI', jIQoS, wIta'. taj SeQ Daghajchugh yIper." qaStaHvIS lup puS 
jach neH 'ungya ghIq jatlh "Hota'ro'." yaj HoD. 'ungya tajmey ghajtaH 
Hota'ro'.

Hu' HoD. Sojpa'Daq Hota'ro' ghutar je yInroH tu'lu'mo' Duj QumwI' 
SeHlawDaq pa'vetlh wIv. jatlhmeH leQ 'uypa' QubchoH 'ach Sojpa'vo' 
ghutar ghogh Qoy. jatlhlI' "nISwI' beH vIlo'be'. HoD HoHDI' vay' wo' 
toy'. potlh lurDech. nuH SeQ vImaS. QaQ betleH."

yay' HoD. janglaw' Hota'ro' 'ach reH tammo' be'vetlh ghogh mu'meyDaj 
QoylaHbe'. jatlh HoD "muHoHmeH nISwI' lo' 'e' qeSlaw'!"

jatlhlI' ghutar, " ... rIQtaH HoDma' DeS."

jatlh HoD, "'ungya! DaQoylaH'a'? qIQmeH QuSlI' beq." Qay'. jatlh, 
"qoHpu'! vIHoH!" lojmIt wa', lojmIt cha' je vIngaQmoH.[41]
---
SKI: vajar eavesdrops on one side of a conversation involving the 
correct weapon with which to kill a captain.
---
[41] I wrote what would probably amount to twenty minutes worth of 
conversation between ghutar and Hota'ro', knowing what they were 
talking about, then had the captain hit the switch at just the right 
time. I may post it as an extra after all the relevant information 
has been extracted through the story.