[Tlhingan-hol] nuq bop bom: 'ay' choghmaH vagh: <Hota'ro' ta>

[Qov]

The captain had just left Hota'ro' alone on the bridge.
---
meHDaq cheghDI' HoD, cheghta' je ghutar. DeghwI' retlhDaq ba'taH, jIb 
yachtaHvIS. "banglI' ghaH'a'?" jatlh HoD. Sovbe'pu'mo' mer.

jatlh ghutar, "ghobe', HoD. latlh DujDaq parmaqqay ghaj. Hung yaS 
jIHmo' vIQan vIneH 'ach QobvamvaD mIw vISovbe'." ghu'vetlh Sovchu' 
HoD 'a pagh jatlh. qaStaHvIS loS rep ba'taH tlhInganpu', pagh 
jatlhtaHvIS. tlhovtaH Hota'ro' 'e' lu'Ij. tagha' Qam ghutar. jatlh 
"jIDughmeH jIQongnIS, HoD. Heghchugh HIvemmoHneS." HoD pa' ghoS. 
ba'taH Hota'ro', SeHlaw bejlaw'taHvIS 'ach leghlaH 'e' pIHbe' HoD. 
ghumHa'be'choHmeH noch pat ghunqa' HoD. Duj QonoS qon. qaStaHvIS 
Qu'vam Heghchugh Hoch, quvchaj SovnIS qorDu'meychaj. qaStaH repmey.

HaStaHomDaq Hota'ro' QI' ta laDchoH. Daj. may'DujDaq toy'pu'. 
po'qu'mo' naD HoDDaj wa'DIch. numpu'. 'ej may'Daq yoH ghItlhlu'. 
DeghwI' qu' bejqa'. nuplaw' tlhuHmey 'a wej quSvo' pumpu'. Hota'ro' 
ta laDqa'. pIj ropyaHDaq ghaHpu'. bIjlu'mo' rIQpu'. <tlhIvmo'> <moch 
tlhochmo'> <moch nIS> je ghItlhlu'. Hujbej Qel taHom Qav. motlh 
bIjmo' qaSbe'law' QIHvetlh. bong qonlaw'. qatlh may'Dujvo' Qaylu'? 
QIjbe' ta. naDHa'be'pu' HoDvetlh 'a pay' latlh DujDaq toy'choH. 
parpu' HoD cha'DIch 'ej jeQbe' jatlh. tlhoch'egh ta. De' chu' chel vajar HoD.

vIHchoH Hota'ro'. jatlh HoD "Hota'ro', choQoylaH'a'?"

"HIja'," jatlh DeghwI'. nach tlhe'moH 'ej HoD leghlaHlaw'. tam 
ghoghDaj 'ach Qap.

"'arghHa'lI''a' DotlhlIj?" jatlh HoD.

chov'eghmeH yev Hota'ro'. mon 'ej jatlh "wej vIHeghpu', HoD. DaH 
jItlhuHmeH jISuvqu'nISbe'. 'a chaq yInSIp vIHutlhmo' 
jIchov'eghlaHbe'." chovlaH HoD. chaq nItmo' meH muD, naDev 
tlhuHtaHvIS tar 'uchHa' 'Iw 'ej yInSIp lo'qa'laHlaw'.

jatlh HoD "QI' talIj vIlaDlI'. qatlh may'Duj Damej?"

jatlh Hota'ro', "vImejbe'pu'. waw'Daq jIHtaHvIS mumejmo' muQay wo'. 
wa' nuv loSbe' may'Duj."
----
SKI: Hota'ro' does not appear to be dying anymore.