[Tlhingan-hol] nuq bop bom: 'ay' SochmaH wej: <may' pugh>
Qov
robyn at flyingstart.ca
Thu Nov 3 16:17:23 PDT 2011
Content warning: Gore, disembowelment, partial nudity (yes, I feel
really stupid putting a nudity warning on text, especially as you
can't actually see blood *or* boobs on your screen).
We ended last time with ghutar urgently summoning vajar, who arrived
to find ghutar on his knees puking.
73
may' pugh
mIch wejDaq, ravDaq tortaH je 'ungya. ghu' chovchoHDI' vay', yaS
wa'DIch luHIvlI' gharghmey tIn 'e' HarlaH. SuvmeH ghopDu' lo'law'.
'ach gharghmey bIHbe'. yaS wa'DIch luHDu' bIH. Suvbe'. pumbe'meH 'uch
'a chorDaj pe'qu'lu'mo' yapbe' ghopDu'. chorvo' HuStaH luHDu' 'ej
nIjtaH 'Iw law'. chob'a'Daq yaS wa'DIch He cha' 'Iw. ravDaq chejHey
ghov HoD. lubejtaHvIS DejlI' 'ungya. DopDaq pumchoH. Qutlh 'e' nID
ghutar 'a ba'taHmeH HoS Hutlhchu' 'ungya. ravDaq QotchoH. jatlhmeH
nuj poSmoH 'ungya 'ach pagh tlhuD. luH yIr 'e' lunIDtaH ghopDu'Daj.[17]
ghutarvaD jatlh HoD "chob'a' yIwovmoH ghIq meH yIghoS. Hota'ro'
yIQorgh." may' pugh SIQnIS SuvwI' 'ach QIDqu'DI' chor 'uplaHbej 'e'
chIDqang HoD. Sechmey Sam ghutar ghIq tlheD. QIH chovchoH HoD. chor
neH HIvta' jagh 'ach ghIHqu'moHta'. chor DuQpu'DI' DuDlaw'pu' jagh.
'Iw chIlpu'bogh chovqangbe' HoD. QIHvam vorlaHbe' Hoqra'. QIHvam
vorlaH Qel 'e' Hon vajar, 'ach bejtaHmo' 'ungya jottaH vajar 'ej
jatlh "yIleS. Hoch jagh DIHoHta'. qaboQ." reghchu'be'meH 'ungya Qel
Hoqra' lo'. reghbe'choHchu'be' 'ach qaqbej. jup luH 'ay'Du'
buvchoH.[5] Qaw'lu'chu', pagh naQlaw', pagh chaq vorlaH. 'up Qu'.
'oy'taH ghop, volchaH je 'ach SabtaHmo' Hoqra' HoS, vor'eghmeH natlh neHbe'.
chegh ghutar. Say'moHmeH luch law', Hoqra' HujwI', Sevmey je qem.
pagh jatlh 'a SIbI' quy'IpDaj teq. paw je Hota'ro'. yIvbeH Hutlh.
yIttaHvIS tlhov. choQ charDaq ba'choH 'ej tuS. HoDvaD jatlh.
"rIQbe'mo' ghopDu'wIj tupoQ." vorchuqchoHmeH mu'mey, Hoqra', che'ron
QelHom mIwmey tIQ je lo' tlhInganpu'. 'ungya 'ay'Du' Say'moH.
'reghbogh 'aDDu' bot. luH 'ay'mey puS woD 'a tuj muvwI' lulo'taHvIS
luH HochHom lulaghHa'law' 'ej chor SoQmoH. qaStaHvIS wej tup taH may'
naQ 'ach qaStaHvIS wej rep 'ungya vormeH vum tlhInganpu'. ravDaq
QongchoH 'ungya. luvIHvIpmoHmo' ravDaq ratlh.
jajvetlh Heghbe' 'ungya.
---
SKI: vajar, Hota'ro' and ghutar conduct battlefield surgery in a
partially illuminated corridor.
----
[5] This came up this week. I don't think I'm going to end up being
correct changing the plural of a word depending on whether it denotes
a body part or not, but I'm so fond of it I'm going to cling to the
practice until it's beaten out of me. Also this sentence made me
laugh on every proofing pass. It started just as {jup luH buv} which
was funnier.
[17] What does it say about me that I had no problems disembowelling
one of my characters in his sleep, but it hurt me to abuse these
stupid grammar rule?
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111103/1133ae48/attachment-0001.html>
More information about the Tlhingan-hol
mailing list