[Tlhingan-hol] nuq bop bom: 'ay' wa'vatlh wa'maH wej: <wIvmey>

[Qov]

Back to daily posting, I think. Quchjaj DIS chu'.

Last time we had vajar find his way into the Warfare engineering deck 
where he's been listening to the chief engineer and a metallurgist 
standing on a table arguing about the best way to disassemble Vigilant.
----
113

motlh *Dugh* luqeltaHvIS jonwI' 'Ij 'e' tIv HoD 'ach DaH *Dugh* 
Heghbat lunab. qaStaHvIS may' law' vajar QantaH *Dugh*. potlh qaw. 
buSchuqmo' latlh jonwI'pu' qaH'engvaD ja', "pe'meH Sechmey 
bolo'choHpa' SaghuHnISmoH: muDvaD cha'maH Hut vatlhvI' yInSIp wIvlu'."

jatlh qaH'eng, "qul DaneHpu''a', HoD?" naDbe'ba'.

jatlh vajar, "tar vIqIl 'e' vInID. ropqu'pu' DeghwI'wI'."

choH qaH'eng qab. lajlaw'. jatlh, "beq DaQorghmeH bISuD." vajar parHa'law'.

Qoypu' jonpIn 'ej jatlh, "latlh chachmey Danabpu''a'?"

jatlh vajar, "ghobe'. wo' wIvmey vIqaDbe'. qatlh tI'be' net wuq? 
tI'laHbe''a' vay'?"

jatlh jonpIn. "wItI'laHbej. wItI'choHlI'. wo' verghDaq HanDogh 
tI'nISlu' 'ej bIQ pat, 'ul pat je lujomnISqa'lu'. *Dugh* naQ 
ma'laHbe'mo' lupDuj choQmaj, loQ Duj wIlaghnIS. latlh HanDogh 
wIchevnISba' 'a ghaytan meH wIchevnIS je."

qagh baS po'wI'. jatlh "maw' ghaH. yIqImQo'. mIch loSDaq Duj wIwav."

jatlh jonpIn, "Duj wIlaghtaHvIS wIQIHqu'bejchugh vaj laghHa'qa'meH 
Qu' wIQatlhmoH." vajar qab leghmo' yev. "vay' Dayajbe''a', HoD?" jatlh.

"Duj bowoDmeH bolagh jatlhlaw' Sa'," jatlh vajar.[118]

"jonwI' ghaHbe' Sa''e'," jatlh jonpIn. "yIQuch'eghmoH. DujlIj 
wIQorgh. Seng SIQbejpu' 'ach Subbej." Sa' lumISmoHlaw'pu' jonwI'pu' 
tlhach mu'mey. maj. DaH Duj polmeH 'utbe' woQDaj.

"HoD, DaH wIghoS DaneH'a'?" jatlh ne' ror.

"'utbe'," jatlh vajar.

"latlh HoD vIjatlh, qaH," jatlh ne'.

"HoD 'oH je patlhwIj'e'," jatlh jonpIn. ne'pu'vaD jatlh, "HIja'. Hoch 
bIrmoHmeH taS yIteq. ngaSwI'mey tIchImmoH; rav tISay'moH; Som Hurvo' 
chuch yItet qoj yItey. Qu' bota'ta'DI' DujvetlhDaq bIrmoHmeH taS 
vItu'chugh, boSop."

"lu', HoD!" jatlh ne'pu' ghIq mej.
----
SKI: vajar finds out what the engineers are really doing with Vigilant.
----
[118] Or uh, what prefix would you put here for "qImyal said you ..."?