[Tlhingan-hol] nuq bop bom: 'ay' wa'vatlh wa'maH cha': <SuchwI' chaw'>

[Qov]

Here's one more chapter to tide you over until I'm back on schedule.

vajar was just finishing a meeting with General qImyal in which he 
learned that the *Vigilant* might be disassembled for parts.
112

SuchwI' chaw'

meHvo' vajar Dor lagh. vajar buQbe'pu' qImyal Sa'. ra'be'pu', 
mupbe'pu' 'ach bItmoH. vangchu'be'chugh yaH Duj pagh yaH beq. ngo' 
Duj 'ach veQ 'oHbe'bej. chobDaq jatlh lagh. "nuqDaq DaghoS, HoD?"

jot'eghmoHpu'DI', laghvaD jatlh "DujwIj lulaghlI'bogh jonwI'pu'Daq HIqem."

"lu'," jatlh lagh 'ej chobmeyDaq vajar Dev. veng rur may'Duj. 
chobmeyDaq chaq vaghmaH nuv juS vajar DorwI' je. loSlogh mevmoH 
'avwI'pu' 'ej ngu''eghnIS. SuchwI' chaw' ghajbe'mo' vajar, pIH 
'avwI'pu' 'ach jatlh lagh, "ngeH qImyal Sa'." ghIq ghoS 'e' luchaw'. 
jonwI' choQ lucholDI' yapbe'choH DorwI' chaw'. jonwI' choQ 'el vajar 
net tuch 'ej mejpa' SuchwI' chaw' Suq 'e' luqap. naDev loSnIS, chaw' 
qemtaHvIS vay'. jatlh Dorbogh lagh "jIloS neHbe' Sa'. HoD DornIS 
latlh 'avwI'." ghIq mej.

chaw' loStaHvIS vajar. Hota'ro' legh. pongDaj jatlh, 'a tlhe''eghDI' 
jatlh, "nuqjatlh?" Hota'ro' ghaHbe'. yItDI' rap 'ej rap DaQDaj 'ach 
*veS* Sogh ghaH. 'IH.

QIj vajar, jatlh "DeghwI'wI' Darur."

jatlh be', "toH Hota'ro' ra'wI' SoH, vajar HoD, qar'a'?" lIH'egh be'. 
qaH'eng[59] ghaH pongDaj'e'. *veS* jonpIn cha'DIch ghaH. "qatlh naDev 
SoHtaH, HoD?" jatlh. QIjDI' vajar, 'avwI'vaD jatlh, "vIngoy'. 
chaw'Daj DaHevta'DI' HIrI'." Sogh tlha' vajar. 'op chobmey 
luveghpu'DI' lojmIt poSmoH.

pa'Daq raS tIq tu'lu'. raS DungDaq tIHmey luHotlhlu'taHmo' chenlaw' 
Duj ngeb. vagh 'uj Saw', wa'maH vagh 'uj 'ab, 'ej jav 'uj juch 
HanDogh joj. SaH loS nuv. raSDaq QamtaH be' mach. rewbe' Sut tuQtaH. 
vajar lIH Sogh. *veS* jonpIn ghaH be' mach'e'. ngaH ponglu'. baS 
buSbogh loD ghaH latlh Sogh'e'. Qoreq ponglu'. SaH je cha' ne'pu' 
'ach lIHbe'. woch wa'. ror latlh. chaq SomrawDu' neH ghaq. raSDaq 
HanDogh laghmeH mIwmey wIvmeH ghoHlaw' ngaH Qoreq je. jatlhtaHvIS 
lagh'eghlaw' Duj ngeb 'ej 'ay'mey qel jonwI'pu'. Doj pojmeH patchaj. 
Duj naQ rartaHmo' patmey yepnIS laghwI'. qay'qu'law' peQchem lIngwI' 
ngaDmoHwI'. pIvghor luchu'Ha'laHchu'pa' peQchem lungaDnISmoH. Hoch 
tlhach mu'meychaj yajbe' HoD 'ej lughlaw' Qel: Hoch be' mu'mey 
QoylaHbe'. Qu'Daj lubuSbogh jonwI' 'Il'e' ghov. Hagh 'ej vaqchuq 'ej 
mIwmey DeltaHvIS Qutqu'.[53]
----
SKI: vajar visits engineering.
----
[53] tIqqu'choH 'ay'meywIj. bepchugh vay' HISovmoH.
[59] My husband named qaH'eng He wanted a U before the A and to put a 
Z on the end, and I had to remind him he needed a vowel next to the 
qaghwI' (or "single quote" as he calls it) but it's otherwise as he dictated.
----
No cliffhanger here, so I trust you can wait a few more days for the 
story to continue. And I'm curious whether you can picture the scene 
in engineering. I see it in my head and then do my best to explain it 
in Klingon, but I don't know what you see. It's not essential to the 
plot. At least I don't think it is--I'm still writing--so if it 
doesn't make complete sense you can just listen to what the 
engineering say and get the idea.

- Qov 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111226/74e392cd/attachment-0001.html>