[Tlhingan-hol] KLBC: ghojwI' chu'
Qov
robyn at flyingstart.ca
Mon Dec 19 10:12:13 PST 2011
At 07:28 19/12/2011, lab wIl'yam:
KLBC! qaStaHvIS poH nI' pervam vIleghbe'pu'. taghwI' pabpo' wIghajtaH
'e' vIHonmo' qajang.
>jabbI'IDghomvaD jIlIH'egh. wIl'yam jIH. *Philadelphia* vIDab. wa'maH
>Soch ben jabbI'IDghomvamvaD jIjeStaH
wa'maH Soch ben Damuvbejta''a'? ngugh qaS qep'a' cha'DIch'e'!
> *Lawrence Schoen* muchmey (DaHjaj Hol) lI'qu' 'e' vIQub.
{lI' muchmey}. mu'tlheghvamvaD lI'bogh Doch nungnIS wot.
{muchmey lI' vItIv} -- muchmey Del {lI'}
{lI' muchmey 'e' vIQub} -- vang muchmey. chay' vang? lI'.
Dayajchu' 'e' vIpIH 'ach bong bIQaghpu' neH, qar'a'?
>reH jIQaghvIpmo', jIyoHnIS.
bIlughchu'. yIyoH. ghaytan Hoch jaj QaghmeywIj law' law' latlhpu'
Qaghmey law' puS, Hoch jaj cha'vatlh vaghmaH mu'mey vIqonmo'.
jIQaghvIpbe'. Do'Ha' ghItlhwIj vIlaDvIpqa'qu'law'mo' Qaghmeyvetlh
vIHeStaH. ghaytan QInwIjDaq Qaghmey law' law' QInlIjDaq Qaghmey law'
puS. 'ach nom QaghmeywIj vIlInglaH. :-)
> tIqwIj Sa'angnIS. vaj QInvam vIlab. jIQaghchugh, HIlughmoHneS!
yIjeS, yItIv, yIghel, jabbI'IDmey law' tIlI', ghovaq, lutwIj yIlaD,
Holmaj yIrachmoHtaH. bISaHqa'mo' jIbel.
- Qov 'utlh
More information about the Tlhingan-hol
mailing list