[Tlhingan-hol] nuq bop bom: 'ay' wa'vatlh wa': <nuq lIjpu'?>

[Qov]

Mahoun was explaining his fears of somehow having been turned into a 
Klingon spy.

101

jatlh QeDpIn, "Mahoun, yuQmajDaq maHqa'taHDI' yab po'wI' DaSuch 'e' 
vIqap. 'a DaH qajotmoHlaH. DuHbe' mIw DaDellI'bogh. ghoqwI' 
lumojmoHlaHbe' tlhInganpu'."

jatlh HungpIn, "ghaytan tlhIngan Hol ngeD law' latlh Holmey ngeD puS. 
valqu'be' tlhInganpu', qar'a'?"[126]

jatlh QeDpIn, "wanI'meymo' DaSIQpu'bogh bImaw'chu'be'mo' Qun yItlho'."

"lu'." jatlh Mahoun 'ej De'wI' roQ. jIH leghDI' HungpIn taDchoH 'e' 
legh Mahoun. jatlh, "nuq? Daghov'a'?"

jatlh HungpIn, "HIja'. janvam DaSIQ'a'?"

jatlh Mahoun. "HISlaH. Heghpu'DI' yaS wa'DIchma' lomvo' 
vItlhaplu'pu'. pa'Daq jan muqeQ. 'oy'be' 'ach lulo'taHvIS poH 
vIqawlaHbe'. nuq 'oH?"

jatlh HungpIn "tuQDoq 'oH. QaQ nagh beQlIj. vIghovlaHchu'." Duj 
qawHaqDaq mIllogh Sam HungpIn. jatlh "qechmey qon. yIn naQ qonlaH 
'ach qaSchugh yab Sang. ghoqwI' DamojmoHlaHbe'bej, 'ach wanI'mey 
DalIjmoHlaH. Da'omlaHbe'. bIleSchugh chaq bIHeghbe', 'a yIHeghrup, 
yablIj SanglaH. 'ampaSDaq jatlhlu'. not yab ghun net jatlh. yab 
chImmoHlaH neH."[127]

jatlh Mahoun, "tlhIngan Hol mughojmoHbe'law' janvetlh. bIghHa'Daq 
jIHtaHvIS 'avwI'pu' vIyajbe' 'e' vIqaw. mu' puS vIyaj, ra'DI' 'avwI' 
neH. murotlhmoHlaw' jan."

jatlh QeDpIn, "DurotlhmoH'a'? chay'?"

jatlh Mahoun, "jImejpa' lulo'qa'. lulo'taHvIS poH vIlIjqa' 'ach 
lelHa'DI' loQ vIlegh. jan rap 'oH 'e' vIHar. 'ej lulo'DI' 
jIrotlhchoH. 'oHmo' SIbI' jIwochchoH 'ej jIHoSchoH. ghIq 
mutlhabmoHlaw' DIvI'. bIghHa'vo' muDev vay' 'ej 'anDorya'ngan Duj 
choghvat vItoS 'e' vIqaw. muQorgh 'anDornganpu'." tam Mahoun, 
'anDornganpu' qawtaHvIS. "pIj QIp DIvI' ngoch 'ach juHDaq muqemta'."

jatlh QeDpIn, "'anDorngan val law' Human val puS."

QeDpIn rI' meH. jangDI' rollIw jatlh QumpIn, "HoD HIjatlhmoH."

jatlh QeDpIn, "yIloS." HoDvaD jatlh "bIvumrup'a'?"

jatlh HoD, "Huch vIbajnIS. QumwI' HInob." QumwI'vaD jatlh HoD, "jatlh 
Mahoun HoD. qaStaH nuq?"
----
SKI: The security chief recognizes one of Mahoun's memories, and then 
they go back to work.
----
[126] Another one for the "language does not work that way" file. I'm 
not thinking she got an "A" in Fed Standard class.
[127] It's not quite the canon use of the tuQDoq and apparently 
contradicts a cooperative story (on the KLI MUSH) that I made up 
almost 15 years ago, but the Yelwitian security chief's description 
is the way it works in this universe.  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111210/086b01d5/attachment.html>