[Tlhingan-hol] nuq bop bom: 'ay' HutmaH Hut: <bIghHa'Daq>
Qov
robyn at flyingstart.ca
Thu Dec 8 05:56:21 PST 2011
Mahoun asked his science officer and security chief if they were
willing to listen to a story about the Klingon prison.
99
lut lu'Ijqang HungpIn QeDpIn je.
jatlh HoD "mujonDI' tlhInganpu' vIjoy'lu'be' 'ach mujoy'taH wanI'mey
vIqawbogh. tlhIHvaD wa' vIDel. bIghHa'Daq qama' jIHtaHvIS, mInwIj
nujwIj qamwIj DeSwIj je lubaghlu'mo' ravDaq jIba'laH neH. qaStaHvIS
poH nI' DeSDu'wIj vIvIHlaHbe'mo', 'oy'qu'choH, 'ej qaStaHvIS jaj pagh
vItlhutlhta'mo' jI'ojqu'."
jatlh QeDpIn, "nIjoy'pu' 'e' DayajlaHbe''a'?"
jatlh Mahoun. "vay' joy'taHvIS tlhIngan DaQoypu'chugh Dajoy'lu'
bIjatlhbe'. ravDaq jIba'taHvIS yaS wa'DIchma' lujoy'lI'. jachtaHvIS
'ej qoy'taHvIS ghoghDaj vIghov. rapmo' pongmeymaj luyu'taHvIS
pongwIj'e' vIQoytaH. <Mahoun! choja'be'chugh vaj ghur 'oy'! Mahoun!
yIqIm> tagha' tamchoH. Heghpu' 'e' vItul. QunwI'vaD Heghpu' 'e'
vIqoy'." yev Mahoun. luqaD 'e' pIH 'ach luyajlaw'. tam 'ej lubejqu'.
"bIghHa' 'ay'vetlhDaq jImob 'e' vISov. 'ach tugh latlh qama' qeng
'avwI' 'e' vIQoy. yaS wa'DIchma' ghaH 'e' vIpIH 'ach vIleghlaHbe' 'ej
vIjatlhlaHbe'. tlhuHtaH 'e' vIQoy.
"'el vay'. be' ghogh vIghov. yu'wI' ghaH. pIm yu'wI' HIp, 'avwI' HIp
je 'ej QIvlaw' 'avwI'. 'avwI'vaD jatlhDI' yu'wI' vang 'avwI' 'a
yu'wI'vaD jatlhDI' 'avwI', SaHbe'law' yu'wI'. 'avwI'vaD jatlh be'.
ghoHlaw' 'ach <lu'> jatlh 'avwI'. mej 'avwI'. tugh chegh. bIQ bal qem
'e' vIQoylaH. wabmey vIghov. jIHvaD bIQ nob 'e' vItulqu' 'a latlh
qama' ghoS. ravDaq vay' lan. jIloStaH.
"voQchoH vay' 'e' vIQoy. 'avwI' HIvta' qama' 'e' vIloymo',
jIleghlaHmeH nachwIj vIvIHqu'. loQ vIleghchoHlaH. mo'Daq SaHtaH
'avwI' 'ach 'avwI' HIvpu'be' qama'. ravDaq QottaH yaS wa'DIchma'.
noghtaH. vIHbe'chu'DI'. ghum 'avwI'. QumwI'vaD jach 'ej yaS wa'DIch
qab qIpchoH."
----
SKI: Mahoun recounts witnessing one of his officers choking in prison
after a torture session.
-----
[125] Mahoun is probably the yelwIyyItngan version of John.
More information about the Tlhingan-hol
mailing list